حكايه شاب محدش بيرن عليه.............

انا بقالي 3 سنين جايب موبايل ...
يعني بقالي 3 سنين جايب خط ...
وبرده بقالي 3 سنين عمال انزل فى نغمــات ....
نزلت كل نغمات الدنيـا لموبايلي ....
دا على اساس أنه لما يرن النغمـه دي تشتغل ...
و من هنا بقى ظهرت المشكله .... انه يرن ....
الموبايل مابيرنش خالص ... انا قلت يمكن العيب من الجهاز ....
غيرت الجهاز ..طب من الخط....
غيرت الخط ....
طب ممكن من النغمــه ....
غيرت النغمــه عملت كل المحاولات عشان أسمع نغمـة موبايلي بترن من غير ما اشغلهــا انا ...
بس مفيــش فايده.. كل محاولاتي كانت نتيجتها بالفشــل..
و في اليوم الموعود (إللي كنت مستنيه من زمان) ....
قمت من النــوم ...
ببص في الموبايل لقيــت ميسد كول .. مش معقول....انا جالي ميسد كوول ... لأ لا يمكـن .... فكرت افتحها على طول ولا أروح أخد شاور الأول عشان أبقى مستعد ... دخلت حلقت دقنى و خدت شاور و عملت شعرى سبايك و حطيت بارفان و لبست احلى طقم عندى و لسه همسك الموبايل فى ايدى
و.....
وكانت الصدمه .... :W69:تحطمــت كل احلامي ...
نعم تحطمــت كل امالى التي كنت اعقدها في رؤية هذه الميسد .....
وبعد شهرين من تاريخ الميسد كنت ماشي في الشـارع رايح الدرس ... وفجأه حسيــت بهزه في جيبي ( فيبريشن بقى ) ..... و سمعــت نغمــة موبايلي ....
انا طبعا مصدقتــش ان دا موبايلــي .... بس مكنش في حد بيـرد جنبي على موبايلـه ..... يا نهار ابيض .... دا موبايلي اللي بيرن و إفتكرت ان دي نغمتــي ..... كان وقت جميل اوي وانا اول مره أسمع نغمتي فيها من غير ما اشغلها ... يا حلاوتــك يا نغمتــي ..... وقمــت مدخل ايدي في جيبـي و مطلــع الموبايل ..... و فتــحت المكالمه .....ونقول الووو لقيــت واحد بيقولي : إيه يا بنتي انتــي فين انا مستنيـكــي قدام السينما بقالي ساعه .....خسئت ساعتها تـــأكدت ان النمــره غلط ... بس انا ما رديتش عشــان ميعرفش إن النمره غلط و يحرمنــي من أجمل لحظـــات حياتي ... بس هو قفل ... قفل لما انا مردتش عليـه ..... و بعد الحدث ده رجعت البيت و ما روحتش الدرس و إتعقــدت بصراحــه ... و جــالي إكتــئاب .. الإكتــئاب زاد.. زاد زاد جــدا لحــد ما مبقيــت أقعــد في الأوضة لوحدي و باصص للحيطــه وفي إيدي الموبايل و ما بكلمــش حد ... كانوا بيخشــوا عليــا يكلمــوني بس ما كنتش برد عليــهم ..... يجيبولي أكل ماكلــش .... حاولوا كتير معايا عشــان يخرجونــي من حالة الإكتــئاب إللي انا فيهــا لحد ما بابا جه وكلمنــي وقالي: الموبايل مش كل حاجه يا بنــي ... على أيــامنا ما كنش فيه موبايلات ولا كلام من ده ..وكنا عايشيــن يا حبيبي ...
و قعد ناس كتير و دكاتره كتــير ييجوا يكلمـوني ... بس ما كنش فيه فايده .... فقدوا الأمل في علاجـــي ..
و بقيت انا مجنــون العيله .... كانوا مسمينــي مجنون الموبايل ....
بعد فتره بدأت أتحســن و اقتنع بكلامهم و جيت في يوم وقمــت و نسيت حكاية الموبايل دي خالص ....
وانا فاكر ســاعتها لما فتحــت التلفزيـون لقيــت إعلان لموبايل...
حاولت اقلب القناه عشان ما افكرش.. لقيــت إعلان عصام الحضرى بتاع فودافون....
حاولت أقلب القناه عشان ما افكرش في المــوبايل ....
لقيـــت إعلان نغمات فيديو تون... الإعلان دا أثر فيــه اوي...
هو انا حتــى طايل نغمــه عاديه عشان يجبلي فيديو توووون ....
الإكتئــاب رجعلي تاني ..... و قمــت قايم وجايب ورقه وقلم وكتبت :بابا ماما سامحـوني أنا كنت عايز أخف بس انا قررت خلاص انى انتحــر و جيـــت ارمي نفسي من البلكونــه ....
بس سمعت الموبايل بتاعي بيرن .... :coo1l:
اممممم دي نغمــة الرسايل أنا عارفها تين تين تين ..... فرحت اوي .....
فتحت الرساله لقيت رساله ..... "عزيزي العميل دلوقتي ممكن تشترك في خدمة الإنتــظار عشان إللي بيتــصلوا بيـــك وانت مشغـــول......" :W69:
لأ لأ ...... انتــم كده عايزين تموتوني آآآآآآآآآآآآآآآآآآآآآآآة بووووووووووووووم

هههههههههههههههههههههههههههههههه
ياعينى يابنى
ياحرام
والله صوعب عليا
تعالى خد موبايلى مش بيبطل رن لحد مازهقت منه
وقربت اقرر انى ارميه
او اخليه صامت طول الوقت
ياحرام
ايه ده يابوسكا بجد جميله اوى
هههههههههه
انتى بقى بترنى ولا زى حلااته شكلها قصه حياتك
هاهاهاهاهاهاهاهاهاهاها

ههههههههههههههههههه
لا دي قصه حياتي انا بعد علاقتي السابقه ما تنهار
ده حالي بالظبط
تليفوني ده مكنش بيبطل صوت رنات ولا رسايل
ومره واحده بقي صامت ونفسي اسمع صوته من تاني والله
تسلم ايدك يا بوسكا
بس انا لسه قدامي شويه علي مفكر في الانتحار[b]

هههههههههههههه لا الحمدلله دى مش قصة حياة حد

بس يالا اى خدعة
منورين

يا حرام

هو الواد ده ملوش اصحاب يرنو عليه

يكتب نمرته على الحيطان ولا على كراسى اتوبيس

يتصرف سايب نفسه كده ليه يعنى

تسلمى يا قمر

ههههههههههههههههههه
يعيييني دة صوعب عليا والله
هههههههههههههههههه
تسلمي يا بوسكا

» محدش عاجبه حاله؟؟حتى ال...ادخلوا تعرفوا
» جليس موسى عليه السلامـ في الجنه